Experiencia: Actividade Calendario de Cultivos

O pasado día 27 de Abril fixemos unha actividade con personas maiores no Centro Social para recadar información para o calendario de cultivos. Aproximadamente acudiron unha decena de personas de Boiro, participantes tamén dos Talleres de Memoria que organiza a Cruz Vermella en distintos puntos do concello. O obxetivo de esta actividade era ademáis da recadación de información, compartir un rato do noso tempo coas personas maiores e aprender dos seus debates sobre temas agrícolas.

 

A partir da primeira dinámica de presentación, comezou o debate. Nós necesitamos saber en que tempo se pranta e se recollen diferentes cultivos, para iso comezamos cunha rolda de preguntas que trataba sobre cada cultivo de un en un. Falamos sobre as influencias da lúa á hora de prantar cultivos como as patacas (“a lúa chea todo o chea”), do tratamento que se lle daba antiguamente á terra (cunchas, argazo, cinzas,…), e de moitas cousas máis que nos foron de moita utilidade para a elaboración do calendario.

Agora sí, ao meu parecer esta foi unha actividade das máis interesantes das que levamos facendo. Unha pequena experiencia interxeneracional enriquecedora non só para as personas interesadas no medioambiente ou en aprender a prantar cultivos, senón tamén para personas que coma min desfrutan escoitando aos nosos maiores. Foi un debate que ao meu parecer canto máis avanzaba máis cara atrás no tempo nos levaba, pois os participantes ademáis de falar da súa propia experiencia e coñecementos lembraban o que a eles lles fora aprendido polos seus pais e os seus avós.

En definitiva só me queda dicir que a min a realización desta actividades me ilusionou moito máis para a continuación do calendario de cultivos que estamos a facer. Espero que sexa de moita utilidade para as personas que coma min non teñan a sorte de ter a un maior na casa que lle aprenda simplemente cando e como se ten que prantar unha leituga.

Raquel Cespón.